Qahira, (insidesomalia.org) - Gudoomiyaha isbeheeysiga dib u xureeynta Soomaaliya ayaa ku eedeeyay Dowalada KMG ee Soomaaliya in ay ka danbeeyso dhibaatada shacabka Lagu hayo ee diidista lacagaha Shilin Soomaaliga.ah

Shiikh Shariif Shiikh Axmed Gudoomiyaha Isbeheeysiga dib u xureeynta Soomaaliya oo maanta u waramayay Saxafada Gudaha, isagoo ku sugan Magaalada Qahira ee Xarunta Dalka Masar ayaa Masuuliyada diidista Lacagaha duuga ah ee shilin Soomaaliga iyo qaadashada lacagaha faalsada ay ka danbeeyso Dowladda Soomaaliya.

“ Nimanka u sheganaya Dowladda iyo Gumeeysiga Shacabka Soomaaliyeed dhibaato weeyn ayeey gaarsiiyeen waxaa la soo daabcday lacgo been abuur ah oo la doonayo in lagu dhibaateeyo Shacabka Soomaaliyeed” ayuu Yiri Shiikh Shariif Shiikh Axmed.

Hadalka Shiikh Shariif ayaa ku soo beegmaya xili maanta uu Magaalada Muqdisho uu ka dhacay Banaabixii ugu weeynaa waligeed ee looga soo hor jeedo kala sooca lagu hayo Shilin Soomaaliga,kaasi oo aysan soo agaasimin cidna, isla markaana Sababay in ay xirmaan dhamaan adeegyadii Bulshada ee Magaalada Muqdisho. sida Ganacsiga,isku socodka Gaadiidka iyo Dadka.